Orta salmaqta WBA , IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın 16 qyrkúıekte meksıkalyq Saýl «Kanelo» Alvarespen ótetin jekpe-jektiń  amerıkalyq Denıel Djeıkobspen ótken kezdesýge qaraǵanda ózgeshe bolatynyn aıtty, - dep habarlaıdy Qamshy.kz  aqparat agenttigi vesti.kz-ke silteme jasaı otyryp.

Golovkın sporttyq mansabynda birinshi ret 12 raýndtyq kezdesý ótkizdi. Tóreshiler biraýyzdan jeńisti qazaqstandyqqa berdi. Qazaqstandyq boksshy «Kanelomen» ótetin ekpe-jekte mundaı senarı qaıtalanbaıtynyn aıtady. Ol Big Drama Show uıymdastyryp, qarsylasyn nokaýtqa túsirýdi josparlap otyrǵanyn aıtty.

«Djeıkobs óte jaqsy boksshy. Maǵan 12 raýnd kerek boldy, sebebi men kelesi qarsylasymnyń myqty bolaryn bildim. Men daıynmyn. Qazir basqa jaǵdaı. Men «Kanelony» bilemin, ol da meni biledi. «Kanelo» men Djeıkobstyń judyryqtasý tásilderi men stılderi bólek. Barlyǵy shynaıy ári qyzyqty», - deıdi ol.

««Kanelo» buqa sekildi myqty.Ol jas ári aqyldy jigit. Menińshe, Alvares ekeýimizdiń jekpe-jegimiz tóreshiler sheshim shyǵarǵanǵa deıin jetpeıdi, sebebi biz bir-birimizdi jaqsy bilemiz. Onyń 100 paıyzǵa daıyn ekenin bilemin, bizdi naǵyz shaıqas kútip tur. Bizdiki naǵyz jekpe-jek», - dedi Golovkın.